اسلام آباد ۔ 8 اکتوبر (اے پی پی) چیف جسٹس آصف سعید کھوسہ آکھیے جواچ تریخی ڈینھ ہے، اساڈیاں کوششاں نال پشاور رجسٹری دیاں ساریاں کرمنل اپیلاں نبیڑ ڈتیاں گن، کوئٹہ رجسٹری دی اپیلاں پہلے ہی ختم کرڈتیاں ہن جیندے بعد اساڈا اگلا ٹارگٹ لہور ہوسی۔ منگل کوں چیف جسٹس دی سربراہی اچ ترائے رکنی بنچ کیس دی سماعت کیتی۔ چیف جسٹس آکھیا جو اللہ سائیں دی مہربانی نال اج پشاور رجسٹری دیاں ساریاں کرمنل اپیلاں نبیڑ ڈتیاں گن،کراچی اتے کوئٹہ رجسٹری دیاں اپیلاں پہلے ہی صفر کرڈتیاں گن، ایہ سرا کجھ اللہ سائیں دی مہربانی اتے متعلقہ لوکیں دے تعاون نال ممکن تھیا۔انہاں آکھیا جو انشاءاللہ اگلے ست توں 10 ڈینھاں اچ لہور دیاں کرمنل اپیلاں وی صفر تھی ویسن،جیراھ جو انہاں سانگے خوشی دی گالھ ہے۔
