اقوام متحدہ ۔ 11 نومبر (اے پی پی) اقوام متحدہ دی جنرل اسمبلی اچ ہک قرارداد دی منظوری ڈتی گی اے جیں اچ امریکہ توں کیوبا تے عائد اقتصادی، تجارتی اتے مالیاتی پابندیاں چاونڑ تے زور ڈتا گے۔ اے پابندیاں تقریباً سٹھ سالاں توں لگیاں پن ۔ اقوام متحدہ دی جنرل اسمبلی اچ گزریل 28سال توں تسلسل دے نال ایں قرارداد دی منظوری ڈتی ویندی پئی اے ۔اقوام متحدہ دی جنرل اسمبلی اچ امریکہ دیاں کیوبا تے لاتیاں گیاں اقتصادی، تجارتی اتے مالیاتی پابندیاں چاونڑ دی اہمیت تے عامل بحث تھئی ۔بہوں سارے ملکاں تے علاقائی تنظیماں دے مندوبین کیوبا دی حمایت کریندے ہوئیں امریکہ توں پابندیاں چاونڑ دا مطالبہ کیتے ۔اقوام متحدہ اچ چین دے مستقل مندوب جانگ جون وی ایں موقف تے قرارداد دی حمایت کیتی ۔
