جنوبی پنجاب سیکرٹریٹ دا قیام اگونہی ترجیح اے،وزیراعلیٰ پنجاب نال ایندے کیتے کوشش تیز کرنڑتے گالھ تھئی اے، وزیر خارجہ شاہ محمود قریشی

ملتان ۔29دسمبر(اے پی پی) وزیرخارجہ شاہ محمود قریشی آکھیے جوجنوبی پنجاب سیکرٹریٹ دا قیام اگونہی ترجیح اے،وزیراعلیٰ پنجاب نال ایندے کیتے کوشش تیز کرنڑتے گالھ تھئی اے۔اے گالھ وزیرخارجہ مخدوم شاہ محمودقریشی ملتان اچ میڈیا نال گالھ مہاڑکریندے آکھی۔ہک سوال دے ولدے اچ وزیر خارجہ آکھیا جو جنوبی پنجاب صوبہ لوکاں دا ہک وڈا مطالبہ اے جیندے کیتے لوکاں رج تے پی ٹی آئی کوں حکومت اچ گھن آونڑ کیتے ووٹ ڈتے اتے اپنڑا نمائندہ چنڑیے۔ انہاں آکھیے جو جنوبی پنجاب اچ سیکرٹریٹ دی قیام کیتے پوری کوشش تھیندی پئی اے، ایں معاملے تے پچھلے ہفتے وزیراعلیٰ پنجاب سردارعثمان خان بزدار نال گالھ مہاڑ تھئی اے اتے اے اتفاق کیتا گئے جو جنوبی پنجاب صوبے بارے کوششاں تیز کیتاں ونجن، امید اے ایندے تے تیکھے پیش رفت تھیسی۔ایں موقع تے صوبائی وزیر توانائی ڈاکٹر ا ختر ملک ‘صوبائی پارلیمانی سیکرٹری اطلاعات ندیم قریشی‘ شفقت حسنین بھٹہ ‘ رانا عبدالجبار ‘ سید طالب پرواز‘خواجہ سلیمان صدیقی وی موجود ہن۔