اسلام آباد۔29فروری(اے پی پی)تونسہ شریف اچ تریمت کوں کٹھے پنج بال جائن،سارے بال اتے ماءبالکل صحتمند ہین۔تحصیل ہیڈ کوارٹرہسپتال تونسہ شریف دے ایم ایس ڈاکٹر ظاہر حسین خان ڈسائے جو ہسپتال اچ وستی کھبڑ دی تریمت زوجہ سبز علی کوں پنج بال جائن،جیندے اچوں چار بالڑیاں اتے ہک بال شامل اے۔ انہاں کامیاب آپریشن تے گائناکالوجسٹ ڈاکٹر بشریٰ غفوردی قابلیت دی تعریف کریندے آکھیے جو ہسپتال اچ پہلیو اری اینجھا کیس کامیابی نال کرنڑ تے مانڑ اے۔انہاں ڈسائے جو پنجے بال بالکل صحتمند ہیں اتے انہاں دی ماءوی بالکل ٹھیک اے،آپریشن اچ کہیں وی قسم دا مسلہ پیش نئیں آیااتے کٹھے پنج بالاں دی پیدائش دا سنڑ تے لوک ہسپتال درک آئن اتے بال ڈیکھنڑ دی تانگھ اچ ہین جیکوں والدین دی اجازت نال سامنڑے گھن آیا ویسی۔
