واشنگٹن ۔ 9 جولائی (اے پی پی) امریکی ایوان نمائندگان دی اسپیکر نینسی پیلوسی آکھیے جو عالمی ادارہ صحت ”ڈبلیو ایچ او“ توں دستبرداری دا فیصلہ نادانی دا مظاہرہ اے۔ نینسی پیلوسی اپنڑے ٹویٹ وچ آکھیے جو صدر ٹرمپ اے فیصلہ ایجھے ویلھے کیتے جڈاں عالمی ادارہ صحت کورونا دے خلاف عالمی جنگ لڑدا پئے ۔انہاں مزید آکھیے جو صدر ٹرمپ لکھاں جاناں کوں خطرے اچ پیندے ہوئیں کورونا وائرس کوں ہراونڑ دیاں بین الاقوامی کوششاں کوں ناکام بنڑیندے پئن ۔واضع رہے جو امریکہ 6 جولائی 2021 توں عالمی ادارہ صحت توں دستبرداری دا اعلان کیتے ۔
