اسلام آباد ۔ یکم اگست (اے پی پی)آرمی چیف جنرل قمر جاوید باجوہ دا لائن آف کنٹرول تے کھوئی رٹہ سیکٹردا دورہ کیتے اتے عید اگلے مورچیاں تے جواناں اتے افسراں نال منائی۔آرمی چیف آکھیا جو دشمن پاکستان اتے خطہ کوں عدم استحکام دا شکار کرنڑ چاہندے،پاکستان کہیں وی جارحیت دا منہ بھنڑ جانڑدے،کشمیری اوکھ دے باوجود حق خود ارادیت کیتے بھارت دے اگو بہادری نال ڈٹیے ہوئن۔آئی ایس پی آر ڈسائے جو آرمی چیف جنرل قمر جاوید باجوہ جوانان اتے افسراں نال اپنڑے خطاب اچ آکھیا جو پاکستان دشمن دی کہیں وی سازش کوں ناکام بنڑاونڑ اتے کہیں وی جارحیت دا منہ بھنر جانڑدے،اساں دشمن دیاں حرکتاں سمجھدے ہیں اتے انہاں دا توڑ وی موجود اے۔ آرمی چیف جنرل قمر جاوید باجوہ فوجی جواناں دے جذبے اتے حوصلے دی تعریف کریندے کنٹرول لائن تے آپریشنل تیاریاں اتے مسلسل موثر نگرانی تے اطمینان کیتے۔ آرمی چیف آکھیا جو عیدالاضحی غیر مشروط قربانی دا مظہر اے، قربانی دے جذبہ کوں فوجی جوان توں کوئی بیا چنگاں نئیں سمجھ سگدا،اساں بھارتی مظالم دے خلاف کشمیری بھراواں دے نال کھڑے ہیں،کشمیری اپنڑی دلیری اتے عزم نال تیکھے باھرت توں جان چھڑوا گھنسن۔آرمی چیف این آئی سی، این آئی ایچ ڈی دا وی دورہ کیتے۔
