روم ۔ 11 اگست (اے پی پی) اقوام متحدہ دا عالمی ادارہ خوراک امونیم نائٹریٹ دھماکیں توں متاثرہ لبنان کوں 50 ہزار ٹن کنڑنک دا اٹا بھیج ڈیسے جیں دا مقصد لبنان دی کنڑنک دی سپلائی کوں مستحکم کرنڑ اے ۔ ذرائع ابلاغ موجب اقوام متحدہ دے دفتر تعاون انسانی امور ( اتے سی ایچ اے) ولوں جاری کیتی گئی رپورٹ دے وچ ڈسایا گئے گزریل ہفتے بیروت بندرگاہ تے تھیونڑ آلے دھماکے توں پہلے لبنان دی حکومت اناج دا کوئی سٹریٹجک ذخیرہ کائناں رکھیا ہئی تے دھماکے اچ ملک دے واحد اناج دے گودام اچ نجی طور تے رکھیا گیا کنڑنک دا سارا ذخیرہ تھی گیا ہئی ۔رپورٹ اچ ڈسایا گئے جو اے اٹا ملک اچ قومی سپلائی کوں مستحکم کرنڑ تے خوراک دی گھٹکی پوری کرنڑ کیتے بھیجا ویسی کیوں جو ایں ویلھے لبنان اچ صرف 6 ہفتے کیتے اٹے دا ذخیرہ موجود اے جیرھا جو مارکیٹ دی ضرورت کوں پورا کرسگدے ۔
