ریاض ۔ 25 اگست (اے پی پی) اسلامی تعاون تنظیم (او آئی سی)دے سیکرٹری جنرل ڈاکٹر یوسف بن العثیمین آکھیے جو او آئی سی مسئلہ فلسطین اتے القدس کوں آپنڑے فورم دا مرکزی جھیڑا قرار ڈیونڑ دے اصولی موقف تے قائم اے ۔ ایں حوالے نال او آئی سی دا موقف اے جو مسئلہ فلسطین تنظیم دی وحدت، ایندی طاقت تے سانجھے ایکشن دا ذریعہ اے ۔ او آئی سی دے سارے ارکان دا مسئلہ فلسطین دے منصفانہ حل، فلسطین تے اسرائیل دے ناجائز تسلط دے خاتمے اتے فلسطینی قوم دے سارے آئینی اتے مسلمہ حقوق دی فراہمی تے اتفاق اے ۔ہک بیان اچ یوسف العثیمین آکھیے جو او آئی سی قضیہ فلسطین دے حل کیتے صلاح مشورہ جاری رکھیا ہویا اے ۔ایں حوالے نال 2002ءاچ پیش کیتے گئے عرب امن فارمولہ وی ایندے پلیٹ فارم تے موجود اے۔ او آئی سی دے زیراہتمام کئی سربراہ کانفرنساں ، وزارت خارجہ دی سطح تے کانفرنساں اتے بئے تزویراتی اقدامات کیتے گن جیں وچ عرب۔ اسرائیل جیڑھے دے منصفانہ حل تے زور ڈتا گئے ۔او آئی سی دے سیکرٹری جنرل آکھیے جو اسلامی تعاون تنظیم خطے اچ دیر تئیں امن دے قیام کیتے مسئلہ فلسطین دے عالمی قوانین، بین الاقوامی قرارداداں دی روشنی، عرب امن فارمولے اتے ڈو ریاستی حل دے مطابق جھیڑے دے حل تے زور ڈیندی اے ۔
