اسلام آباد ۔ 19 اگست (اے پی پی) وزارت پارلیمانی امور آندے سال کیتے پارلیمانی کیلنڈر تیار کر گھدے جیں موجب قومی اسمبلی دے اجلاس ہر مہینے باقاعدگی نال منعقد تھیسن ۔ وزارت پارلیمانی امور دے ذرائع موجب کیلینڈر دی تیاری کیتے اجلاس وزیر اعظم دے مشیر پارلیمانی امور ڈاکٹر بابر اعوان دی صدارت وچ منعقد تھیا جیں اچ بئے متعلقہ حکام شرکت کیتی ۔ایں موقع تے ڈاکٹر بابر اعوان آکھیے جو اہم قومی تے ملکی امور تے قانون سازی دا ویلھا اہم تقاضا اے ۔ قومی اسمبلی دا اجلاس 21 اگست کوں سڈنڑ کیتے سمری صدر مملکت کوں پٹھ ڈتی گی اے ۔ 20 اگست توں پارلیمانی سال دا آغاز تھیسی۔ صدر مملکت پارلیمنٹ دے سانجھے اجلاس توں خطاب کریسن ۔
