وزیراعظم دی غیر ضروری خرچیں کوں روکنڑ دی پالیسی کامیاب رہی اے، معیشت ول چلنڑ شروع تھی گئی اے، کابینہ کوں مشیر خزانہ عبدالحفیظ شیخ اقتصادی صورتحال تے بریفنگ ڈتی اے،کابینہ کوں ڈسیا گیا جو ڈیڈھ سالیں اچ 450ارب روپے دی زمین چھڑوائی گئی اے، زر مبادلہ دے ذخائر8ارب ڈالر توں ودھ تے 12.5ارب ڈالر تئیں پج گن، سینیٹر شبلی فراز
اسلام آباد ۔ 11 اگست (اے پی پی)وفاقی وزیر اطلاعات و نشریات شبلی فرازآکھیے جو موجودہ حکومت دیاں کوششاں پاروں معیشت ول چلنڑ شروع تھی گئی اے ۔وفاقی کابینہ اجلاس دے توں بعد میڈیا کوں بریفنگ ڈیندے ہوئیں انہاں آکھیے جو کابینہ کوں مشیر خزانہ عبدالحفیظ شیخ اقتصادی صورتحال تے بریفنگ ڈتی اے۔انہاں آکھیے جو مالیاتی خسارہ ایں ویلھے 8.1 فیصد اے۔ توقع ہئی جو مالیاتی گھاٹا 9.1فیصد رہسی ۔ حکومت ملی تاں جاری مالیاتی خسارہ 20ارب ڈالر تئیں پج گیا ہئی ۔ جاری مالیات دے خسارے اچ 2سال اچ 17ارب ڈالر دی کمی کیتی گئی۔انہاں آکھیے جو وزیراعظم دی غیر ضروری خرچیں کوں روکنڑ دی پالیسی کامیاب رہی ۔ زر مبادلہ دے ذخائر8ارب ڈالر توں ودھ تے 12.5ارب ڈالر تئیں پج گن ۔برآمدات ودھاونڑ تے غیر ضروری تے درآمدات اچ کمی دی پالیسی اپنائی ۔شبلی فراز آکھیے جو احساس پروگرام دے تحت ہک کروڑ 50لکھ خانداناں تئیں مالی امداد پجائی گی ۔ پورے لاک ڈاﺅن دی گال کرنڑ آلے اج نظر نی آندے پئے ۔تعمیراتی شعبے کیتے موجودہ حکومت تاریخی ریلیف پیکیج ڈتا ، جیویں حکومت کورونا وبا نال نبڑیا ایندی دنیا وچ مثالاں ڈتیاں ویندیاں پئن ۔وزیراطلاعات شبلی فراز آکھیے جو تعمیراتی شعبے اچ سرگرمیاں بحال تھیونڑ تے روزگار دے موقع پیدا تھیسن ، خوشی دی گال اے جو معیشت ول چلنڑ شروع تھی گئی اے ۔ انہاں آکھیے جو معیشت اچ بہتری نال اسٹاک ایکسچینج اچ مسلسل استحکام آندا پئے ۔ ٹیکس محاصل ہدف توں 300ارب روپے ودھ کٹھے کیتے گئن ۔انہاں آکھیے جو میڈیا کوں 80 فیصدواجبات اداکرڈتے گئن ۔ میڈیادے 20 فیصدواجبات 24 گھنٹے اچ ادا کرڈیسوں۔ میڈیا دے واجبات دی ادائیگی دے حوالے نال وزیراعظم کوں وی ڈسایا گئے ۔شبلی فراز آکھیاجو مارگلہ روڈ تے تجارت بارے کابینہ کوں بریفنگ ڈتی گئی اے۔کابینہ کوں ڈسیا گئیا جو ڈیڈھ سالیں اچ 450ارب روپے دی زمین چھڑوائی گئی اے۔کابینہ کوں آئی جی پولیس اسلام آباد’1537ایکڑزمین چھڑواونڑ بارے بریفنگ ڈتی۔سی ڈی اے 450ارب روپے دی زمین چھڑوائی اے۔شبلی فراز آکھیا جو 14اگست بھرپور طریقے نال منیسوں۔سعودی عرب ہر اوکھے ویلھے پاکستان دے نال تھیے اساں انہاں دا شکریہ ادا کریندوں۔وزیراطلاعات شبلی فراز آکھیا جو پائلٹس دے مشکوک لائسنس بارے کابینہ کوں بریفنگ ڈتی گئی اے۔آونڑ آلی نسلاں کوں بہتر پاکستان ڈیونڑ دا عزم کیتے۔پورے ملک اچ قانون دی بالادستی اے۔پاکستان کوں خوشحال اتے پر امن ملک بنڑاونڑاں اے۔ماضی اچ اساں اپنڑی مرضی دے افسر لاتے گئے جنہاں اداریاں کوں تباہ کیتے۔شبلی فراز آکھیا جو وزیراعظم عمران خان پہلے وزیراعظم ہن جنہاں دا ذاتی کاروبار کائنی،اساں نویں اصلاحات گھن کراہیں اداریاں کوں بہتر بنڑیندے پیوں۔وفاقی وزیر شبلی فراز آکھیا جو اساں چار سالیں توں پچھدے پیوں جو مریم نواز زمین کتھوں گھدی اے؟مریم نواز نیب اچ جواب ڈیونڑ دی بجائے پوری بارات گھن کراہیں آگئی۔انہاں آکھیا جو وزیراعلیٰ پنجاب کوں چوتھی واری نیب سڈیے۔وزیراعلیٰ پنجاب عثمان بزدار یکا چپ کرتے نیب اچ پیش تھیندن۔سینیٹر شبلی فراز آکھیا جو انہاں توں پچھنڑاں چاہیدے جو تساں تاں جواب ڈیونڑ آئے ہاوے اوندا کیا بنڑیا۔مسلم لیگ ن اج کیس توںتوجہ ہٹاونڑ سانگے ڈرامہ کیتے۔کیس توں توجہ کائنا ہٹسی انہاں کوں جواب ڈیونڑاں پمسی۔انہاں آکھیا جو عمران خان پہلے ڈینھ توں آکھیا ہئی جو اے سارے کٹھے تھیسن۔اے اپنڑی دولت اتے خود کوں قانون توں بچاونڑ سانگے ہتھکنڈے کریندن۔انہاں آکھیا جو کشمیریاں نال یکجہتی سانگے پنج اگست دا ڈینھ منایا گئیا۔کشمیریاں سانگے ہرفورم تے آواز چیسوں۔اساں چاہندوں جو کشمیر دا مسئلہ اقوام متحدہ دی قرارداداں دے مطابق حل تھیوے۔کشمیر بارے اساڈی خارجہ پالیسی نشابر اے۔
