اسلام آباد ۔ 22 ستمبر (اے پی پی) وزیراعظم دے معاون خصوصی برائے احتساب بیرسٹر شہزاد اکبرآکھیے جو پی ٹی آئی انتخابی اصلاحات دا ایجنڈا پورا کریسی،تبدیلی صرف پارلیمنٹ نال ہی آسی،حکومت کوں اے پی سی ڈرامے نال کوئی فرق نئیں پوندا، مسلم لیگ ن اتے پیپلز پارٹی ہمیشہ بیرون ممالک مقیم پاکستانیاں کوں وی ووٹ دا حق ڈیونڑاتے آن لائن ووٹنگ دی مخالفت کیتی اے بھل اے ویلھا اے جو ساکوں بیرون ممالک مقیم پاکستانیاں کوں وی ووٹ دا حق ڈیونڑ کیتے رجسٹریشن شروع کر ڈیونڑی چاہیدی اے۔نجی ٹی وی چینل نال الیندے انہاں آکھیا جو مسلم لیگ ن اتے پیپلز پارٹی کوں پارلیمنٹ دی انتخابی اصلاحات کمیٹی اچ اپنڑا کرداراداکرنڑا چاہیدے،تبدیلی منفی سیاست نال نئیں پارلیمنٹ نال ہی آسی،انتخابی طریقہ کار اچ شفافیت اتے شکوک و شبہات مکاونڑ کیتے انتخابات اچ بائیومیٹرک سسٹم دا استعمال ضروری اے۔انہاںا ٓکھیے جو حکومت اتفاق رائے نال انتخابی اصلاحات سانگے تجاویز تے عمل درآمدچاہندی اے،اپوزیشن انتخابات بارے الزامات لاونڑ دی بجائے دھاندلی ثابت کرتے ڈکھاون،اپوزیشن جماعتاں میڈیا تے صرف این آر اوگھنڑ کیتےشور مچینداں پین تاں جو بدعنوانی کیسزتوں انہاں دی جان چھت ونجے بھل وزیراعظم عمران خان انہاں کوں چھوڑن آلے کائنی تہوں اے سارے سزا یافتہ مجرم کٹھے تھی تے اے پی سیاں کریندن،حکومت کوں اینجھے ڈرامے نال کجھ فرق نئیں پوندا۔
