نیویارک ۔23اکتوبر (اے پی پی):اقوام متحدہ اچ پاکستان دے مندوب آکھیے جو کرپشن دے خلاف جنگ وزیر اعظم عمران خان دے ایجنڈے وچ سرفہرست اے۔قانونی معاملات متعلق جنرل اسمبلی دی چھیویں کمیٹی اچ خطاب کریندے ہوئیں پاکستانی نمائندے سعد احمد وڑائچ آکھیے جونویں پاکستان دے وژن دی بنیاد احتساب دے ودھارے تے بدعنوانی توں عدم رعایت تے رکھی ڳئی اے۔ قانون دی حکمرانی اتے بدعنوانی نال نبڑݨ دے اقدامات دے موضوع تے ڳال مھاڑ کریندے ہوئیں انہاں آکھیے جو اساݙی حکومت جاݨدی اے جو ترقی دا مقصد گھنݨ کیتے کرپشن کوں منڈھوں مکاوݨ دی لوڑھ اے انہاں آکھیے جو ایں ضمن اچ حکومتی اقدامات دے چنڳے نتیجے سامݨے آندے پن ۔پاکستانی مندوب آکھیے جو بدعنوانی دنیااچ طاعون وانگوں معاشریں تے معیشتاں کوں تباہ کریندی پئی اے۔انہاں آکھیے جو بدعنوانی پاروں ملکی وسائل دا درست استعمال نی تھیندا جیں دے نتیجے وچ اداریں تے اعتماد کوں ضیان پڄاوݨ دے نال ترقی پذیر ملکاں دی مالیاتی استعداد دی صلاحیت وی متاثر تھیندی اے
