اسلام آباد۔7اکتوبر (اے پی پی) نیشنل کمانڈ اینڈآپریشن سنٹر (این سی او سی) کورونا وائرس دے حوالے نال تازہ ترین اعداد وشمار جاری کر ڈتن۔بدھ کوں این سی او سی توں جاری کیتے گئے اعداد و شمار موجب گزریل 24 گھنٹے دے دوران کورونا دے 624مریضاں دے ٹیسٹ مثبت آگن تے 10مریض ہسپتالاں اچ تے ڈو مریض گھراں اچ قطرنیطینہ دے دوران وائرس پاروں جاں بحق تھئن ،گزریل 24گھنٹے اچ کووڈ 19 دے 27 ہزار 614 ٹیسٹ کیتے گئن جیں اچوں سندھ اچ 9 ہزار 754, پنجاب اچ 10 ہزار 66, خیبرپختونخوا اچ 2 ہزار 840, اسلام آباد اچ 2 ہزار 979, بلوچستان اچ 900,گلگت بلتستان اچ 450، آزاد کشمیر اچ625 ٹیسٹ شامل ہن ۔ہنڑ تئیں پورے ملک اچ کووڈ 19توں صحت یاب تھیونڑ آلے لوکاں دی تعداد ترائے لکھ ہک ہزار 288تھی گئی اے ۔آزاد کشمیر تے بلوچستان اچ کووڈ۔19 دا کوئی وی مریض ایں ویلھے وینٹیلیٹرز تے کائنی ۔
