اسلام آباد۔16نومبر(اے پی پی)وزیراعظم دے مشیر برائے تجارت عبدالرزاق داؤد آکھیے جو افغانستان دے دورہ نال تجارت و سرمایہ کاری دا ڳانڈھا ودھاوݨ اچ مدد ملسی، ایندے نال پاکستان دی افغانستان اتے ٻنھاں ملکاں تئیں برآمدات ودھسن۔ مشیر تجارت عبدالرزاق داؤد دی اڳواݨی اچ پاکستانی وفد افغان حکومت ولوں خصوصی دعوت تے افغانستان دا دورہ کریندا پئے جیندے اچ 16 توں 18 نومبر تئیں کابل دا دورہ کریسی۔ دورہ اچ وفود دی سطح تے مذاکرات اچ تکڑے تجارت، ٹرانزٹ اتے معاشی تعاون شامل ہین۔ وفد اچ سیکرٹری تجارت، ممبر کسٹمز اتے وزارت تجارت دے اعلیٰ حکام شامل ہین۔ وفد ݙوطرفہ تجارت، راہداری تجارت اتے ترجیحی تجارتی معاہدے تے مذاکرات کریسی۔