اسلام آباد۔25جنوری(اے پی پی)وفاقی وزیر تعلیم و پیشہ وارانہ تربیت شفقت محمود آکھیے جو ایں سال گرمیاں دی چھٹیاں ڳھٹ ہوسن، امتحانات مئی یا جون اچ تھیسن اتے ایں سال کوئی وی بغیر امتحان پاس نہ تھیسی۔ نجی تی وی نال الیندے انہاں آکھیا جو کورونا وبا دا خطرہ حالی وی موجود اے بھل ٻالاݨ دی تعلیم دا ٻہوں ہرڄ تھی چکیے، اساں نجی وزارت صحت دی ہدایات دے مطابق ٹردے پئے ہیں، کرونا کیسز دی تعداد اچ کمی آئی اے اتے ہݨ کورونا ویکسین وی آوݨ آلی اے تہوں تعلیمی اداریاں کوں کھولݨ دا فیصلہ کیتے، نویں تعلیمی سال دی شروعات اگست اچ کراوݨ دی کوشش اے تاں جو ٻالاں دا کورس مکمل کرݨ اتے امتحانات دی تیاری اچ موقع ملے۔ انہاں آکھیا جو صوبیاں اتے سارے قریقاں دی صلاح تے اتفاق رائے پیدا کرݨ دے بعد ہی کوئی حتمی فیصلہ کریسوں ۔
