قانون سازی، پالیسی، ادارہ جاتی اتے انتظامی موثر اقدامات نال تریمتیں کوں سیاسی،معاشی اتے سماجی طور تے بااختیار بݨاوݨ اچ اساں نشابر پیشرفت کیتی اے، مخدوم شاہ محمود قریشی

اسلام آباد۔8مارچ  (اے پی پی) وزیر خارجہ مخدوم شاہ محمود قریشی  آکھیا جو قانون سازی، پالیسی، ادارہ جاتی اتے انتظامی موثر اقدامات نال تریمتیں کوں سیاسی،معاشی اتے سماجی طور تے بااختیار بݨاوݨ اچ اساں نشابر پیشرفت کیتی اے۔ زندگی دے ہر شعبے اتے ہرسطح تے تریمتیں دے حقوق دی وسیع البنیاد شمولیت کوں یقینی بݨاوݨ اساݙی حکومت کی پہلی ترجیح اے۔ سنوار کوں تریمتیں دے عالمی ݙینھ دے موقع تے سنیھے اچ وزیرخارجہ آکھیا جو عالمی برادری نال رَل تے اڄ اساں تریمتیں دا عالمی ݙینھ منیندے پیوں۔ اے تریمتیں کوں بااختیار بݨاکراہیں ترقی دی خوشیاں مناوݨ اتے اساڈے اجتماعی عزم دی تجدید دا موقع اے جو اساں تریمتیں دے حقوق دے ودھارے اتے احترام سانڳے کوششاں ٻی تکھی کروں۔