اسلام آباد۔14اپریل (اے پی پی):وفاقی وزیر چوہدری فواد حسین آکھیے جو پنجاہ لکھ گھراں دی تعمیر دا وعدہ ہݨ حقیقت اچ ڈھلدا پئے ،او سیاسی مخالفین جنہاں کوں لڳدے جو اے کیویں تھی سڳدے عمران خان پنجاہ لکھ گھر کیویں بݨا سڳدن ہݨ شرمندہ ہن، ترقی دا سفر جاری رہسی ، انشاللہ۔ بدھ کوں اپݨے ٹویٹ اچ وفاقی وزیر چوہدری فواد حسین آکھیے جو اسلام آباد اتے لاہور دے بعد اڄ وزیر اعظم سرگودھا اچ ہزاراں گھراں دی تعمیر دے منصوبے دا آغاز کرݨ ویندے پئن ،وزیراعظم تعمیراتی پیکج دے تحت بینک لکھاں گھراں دی تعمیر کیتے قرضہ ݙیندے پئن، سیمنٹ دی فروخت ایں ویلھے تاریخ دی اچی سطح تے ہے ۔
