ڄدہ۔8 مئی(اے پی پی)وزیراعظم عمران خان پاکستان دے اعلیٰ سطح وفد نال سعودی عرب دے 3 ݙینھ دے دورے تے ہین جتھاں جدہ ایئرپورٹ پڄݨ تے انہاں دا شاندار استقبال کیتا ڳئے۔ ایئرپورٹ تے سعودی ولی عہد محمد بن سلیمان اپݨے وزرا دے کٹھے پڄین اتے عمران خان دا استقبال کیتے۔ سعودی ولی عہد وزیراعظم عمران خان کوں شاہی دیوان ڳھن ڳین اتے کلہیں ملاقات کیتی۔ ایں دوران وفود دی سطح تے وی ملاقات تھئی اتے پاک سعودی عرب 5 معاہدیاں اتے 3 مفاہمتی یادداشتاں تے دستخط تھین جیندے اچ سعودی عرب پاکستان سپریم کوآرڈی نیشن کونسل بݨاوݨ دا معاہدہ وی شامل اے۔
