لاہور۔15جون(اے پی پی)وزیراعلیٰ پنجاب سردار عثمان بزدار آکھیے جو مربوط معاشی پالیسیاں پاروں پنجاب خوشحالی اتے معاشی ترقی دے نویں دور اچ ویندا پئے،نویں مالی سال کیتے 560 ارب روپے دا ریکارڈ ترقیاتی بجٹ پیش کیتے جیندے اچ 66 فیصد ودھارا کیتا ڳئے، پبلک پرائیویٹ پارٹنرشپ دے تحت وݙے ترقیاتی منصوبیاں کیتے 25 ارب روپے رکھین، پنجاب دی سو فیصد آبادی دی مفت ہیلتھ انشورنس کریسوں، یونیورسل ہیلتھ انشورنس پروگرام ساݙی حکومت دا فلیگ شپ پروگرام اے۔ انہاں آکھیے جو سرکاری ملازمین دی تنخواہاں، پنشن 10 فیصد ودھائن، گریڈ1 توں 19 تئیں دے ملازمین کوں 25 فیصد خصوصی الاﺅنس وی ݙتے، نواں بجٹ صوبے اچ ترقی و خوشحالی دی نویں سڄاݨ ݙیسی۔ انہاں آکھیا جو اپوزیشن عوام دی ترقی نئیں چاہندی، تاریخی اتے بہترین بجٹ تے اپوزیشن کولو تنقید برائے تنقید کیتے وی کوئی ڳالھ کائنی۔
