اسلام آباد۔15جون(اے پی پی)وفاقی وزیر برائے نیشنل فوڈ سیکورٹی اینڈ ریسرچ سید فخر امام دی زیرصدارت اعلی سطح اجلاس تھئے جیندے اچ وزارت نیشنل فوڈ دے اعلی حکام اتے صوبائی وزارتاں دے نمائنداں شرکت کیتی۔ اجلاس اچ کپاہ دی مداخلتی قیمت رکھݨ دے معاملیاں تے غور کیتا ڳیا۔ اجلاس کوں ݙسایا ڳیا جو پنجاب اچ 1.6 ملین ہیکٹر رقبے دے بجائے 1.35 ملین ہیکٹر رقبے تے کپاہ دی ٻوائی تھی ڳئی اے اتے 2.32 ملین ہیکٹر رقبے تے بوائی دی بجائے صرف 1.96 ملین ہیکٹر رقبے تے کپاہ لائی ڳعی اے جیڑھا مقررہ ہدف دا 84 فیصد رقبہ اے، اتے سندھ اچ بوائی ڳھٹ تھئی اے۔ وفاقی وزیر سید فخر امام آکھیے جو ایں سال کاٹن دا پیداواری ہدف 10.51 ملین گٹھاں رکھیاں ڳین، امید اے جو اے ہدف پورا تھی ویسی۔
