اسلام آباد۔28جولائی (اے پی پی):وزیراعظم عمران خان آکھیے جو سیاحت دے شعبے دا فروغ حکومت دی اولین ترجیحات اچ شامل اے ۔ٻدھ کوں وزیراعظم آفس دے میڈیا ونگ توں جاری بیان موجب وزیراعظم عمران خان نال وزیرِ اعلی خیبر پختونخوا محمود خان ملاقات کیتی۔ وزیرِ اعلیٰ خیبرپختونخوا وزیرِ اعظم کوں مختلف ضلعیں وچ جاری سیاحتی سرگرمیاں تے آوݨ آلے ملکی تے غیر ملکی سیاحواں کوں سہولت ݙیوݨ تے مسئلین دے تدارک کیتے چاتے ڳئے حکومتی اقدامات توں تفصیلی طور تے ݙسایا ۔صوبہ خیبر پختونخوا اچ سیاحواں کوں بہترین سہولتاں ݙیوݨ کیتے جامع حکمتِ عملی بݨا ڳھدی ڳئی اے تے ایندے علاوہ سیاحت دے ودھارے کیتے ݙتے ڳئے روڈ میپ دے مطابق ترقیاتی منصوبیں تے اقدامات تے پیشرفت بارے ݙسایا ، انہاں وزیراعظم کوں انضمام شدہ ضلعیں اچ جاری ترقیاتی منصوبیں تے پیشرفت تے وی بریفنگ ݙتی۔ وزیرِ اعظم عمران خان سیاحت دے ودھارے دی اہمیت تے زور ݙیندے ہوئیں آکھیے جو سیاحت دے شعبے دا ودھارا حکومت دی اولین ترجیحات اچ شامل اے۔
