اسلام آباد۔28جولائی(اے پی پی)وزیر خارجہ مخدوم شاہ محمود قریشی ݙو ݙینھ دے دورے تے بحرین دے دارالحکومت منامہ پڄ ڳین جتھاں بحرین دے وزیر خارجہ ڈاکٹر عبدالطیف بن راشد الزیانی اتے بحرین اچ پاکستانی سفیر محمد ایوب استقبال کیتے۔ وزیر خارجہ منامہ اچ پاک بحرین مشترکہ وزارتی کمیشن دے ݙوڄھے اجلاس اچ پاکستان دی اڳواݨی کریسن۔ او آپݨے بحرینی ہم منصب سودھا بحرین دی اعلیٰ قیادت نال ملسن اتے ݙو طرفہ تعلقات سودھا مختلف شعبیاں اچ تعاون ودھاوݨ تے الیسن۔ وزیر خارجہ، بحرین اچ میݙیا نال وی ڳالھ مہاڑ کریسن۔
