اسلام آباد ۔18 جون(اے پی پی ) وزیر خزانہ سینیٹر اسحاق ڈارآکھیا جو تجدید قرضہ ایکٹ دے تحت قرضیاں دی شدح اچ گھٹکی امدی ویندی اے،1999ء توں2013ء تئیں گھدے گئے 12ہزار ارب دے قرضیاں دا حساب نی ڈے سگدے،2018ء توں2023ء تئیں قرضیاں کوں جی ڈی پی دے 57فیصد تئیں گھن آونڑ دا ہدف مقرر اے،سرکاری خرچیاں اچ کفایت شعاری کوں ودھایا ویندا پئے ،وزیر خزانہ نی اللہ دے حبیب ۖ دا غلام ہوونڑ دی حیثیت نال خدمات نبھیندا پئیاں،باہمی احترام یقینی بنڑاونڑاں پمسی۔ہفتہ کوں قومی اسمبلی دے اجلاس اچ لازمی خرچیاں تے بحث نبڑیندیں ہوئیں گالھ مہاڑ کریندیں ہوئیں انہاں آکھیا جو سینیٹ سفارشات اچوں جیڑھی منڑدے قابل ہن انہاں کوں مَن گھدا گئے حالانکہ ماضی اچ اے فوری مسترد کر ڈتی ویندی ہن ۔انہاں آکھیا جو اٹھارویں ترمیم دے بعد صوبیاں کوں خسارے دا بجٹ بنڑاونڑ دی موکل ڈتی گئی ،ترائے صوبیاں دا خسارے دا بجٹ اے،ترائے سالیں اچ کل 60فیصد گروتھ تھی اے۔مالیاتی خسارے تے مبنی بجٹ دی منظوری دا اے مطلب ہوندے جو پارلیمنٹ قرضے گھنڑ دی موکل ڈیندی پئی اے۔
