اسلام آباد ۔ 23 جون(اے پی پی) دفتر خارجہ دے ترجمان آکھیا جو جھ مہاجر کیمپس سکیورٹی رسک بنڑ چکین،عالمی برادری اتے افغان حکومت افغاب مہاجرین دی باعزت واپسی سانگے اقدامات تکھے کرئے،نیوکلیئر سپلائر گروپ کوں پاکستان اتے بھارت دی رکنیت سانگے درخواستاں تے غیر امتیازی معیار اپناونڑاں چاہیدا اے،جانبدارانہ رویے نال خطہ اچ عدم استحکام تھیسی،پاکستان این ایس جی دی رکنیت سانگے پوری اہلیت اتے صلاحیت رکھیندے ،افغانستان نال سرحدی امور اتے گالھ مہاڑ سانگے میکنزم طے کیتا ویندا پئے ،ازبکستان اچ شنگھائی تعاون تنظیم دے اجلاس دے موقع تے پاکستان اتے افغانستان لیڈر شپ وچال ملاقات متوقع اے،بھارت نال جڈاں وی مذاکرات تھیے کشمیر دا مسئلہ چاتا ویسی۔دفتر خارجہ دے ترجمان محمد نفیس زکریا خمیس کوں پریس بریفنگ وچ صحافیاں دے سوالاں دا جواب ڈیندیں ہوئیں انہاں آکھیا جو پاکستان دی رکنیت جوہری تجارت کرنڑ آلے ملکاں دے فائدے اچ اے کیونجو ایں نال ہتھیاراں دے عدم پھیلائودے مقاصد کوں ودھارا ملسی۔بھارت بارے ہک ہک سوال دا جواب ڈیندیں ہوئیں ترجمان آکھیا جو پاکستان اچ را دی تخریبی سرگرمیاں بارے اساڈے تشویش ٹھو س حقائق تے مبنی اے اتے بھارت دارا ایجنٹ کلبھوشن یادیو دی گرفتاری اتے اوندے اعترافی بیان پاکستان اچ تخریبی سرگرمیاں دے ثبوت ہن ۔
