اسلام آباد ۔ 2 جولائی (اے پی پی) صدر مملکت ممنون حسین 27 رمضان المبارک دے موقعے تے خانہ کعبہ اچ پاکستان دی ترقی،خوشحالی،امن و سلامتی اتے پاکستانی عوام تے امت مسلمہ دے اتحادکیتے خاص طور تے دعائیں مانگیاں ہن ۔صدر ممنوں حسین عمرہ دی ادائیگی کیتے سعودی عرب دے نجی دورے تے ہن ۔ صدر مملکت آکھے جو پاکستان خوش قسمت ملک ہے جو خوشحالی اتے استحکام دے رستے تے ٹردا پئے ۔ دنیا دی کئی طاقت پاکستان کوں نقصان نہیں پجا سگدی ۔ چھنڑ چھنڑ کوں صدارتی سیکرٹریٹ ولوں جاری ہک بیان دے مطابق صدر مملکت 27ویں رمضان المبارک دے موقعے تے خانہ کعبہ اچ آپنڑیاں دعائیں دے دوران آکھیا جو پاکستان خوش قسمت ملک ہے جو ستاوی رمضان دے موقعے تے بنڑیا ہئی ۔ انہاں اللہ تعالی توں دعا کیتی جو پاکستانی عوام کوں آپنڑیاں زندگیاں اسلام دی سچی تعلیمات دے مطابق اختیار کرنڑ دی توفیق عطا فرماوے۔ صدر مملکت آکھیاجو پاکستان خوش قسمت ملک ہے جو تیزی نال استحکام اتے خوشحالی دے رستے تے ٹرداپئے ۔ انہاں اللہ تعالی توں دعاکیتی جو پاکستان دے دشمناں دے ناپاک عزائم کوں ناکام بنڑاوے ۔ انہاں ضرب عضب سمیت ملک دے سارے حصیاں کوں ریاست مخالف سرگرمیاں اتے لاقانونیت توں پاک کرنڑ دی غرض نال جاری بئے آپریشنز دی تیز اتے کامیابی نال مکنڑ کیتے وی اللہ تعالی توں دعا کیتی۔صدر مملکت وزیر اعظم نواز شریف دی مکمل صحت یابی اتے تکھے وطن واپسی کیتے وی دعا کیتی تانجو او پاکستانی عوام دی خدمت جاری رکھن۔صدر ممنوں حسین عمرہ دی ادائیگی کیتے سعودی عرب دے نجی دورے تے ہن ۔
