اسلام آباد ۔ 14 جولائی (اے پی پی) پاکستان اقوام متحدہ تے زور ڈتا ہے جو اوہ کشمیر توں متعلق اپنڑیاں قرارداداں تے عملدرآمد کراوے۔ انہاں خیالیں د ااظہار دفتر خارجہ دے ترجمان محمد نفیس زکریا خمیس کوں ہفتہ وار پریس بریفنگ دے دوران مختلف سوالاں دا جواب ڈیندیاں کیتا۔انہاں آکھیا جوکشمیر داتنازعہ بین الاقوامی طور تے تسلیم شدہ ہے، بھارت ولوں کشمیر کوں داخلی معاملہ قرار ڈیونڑ اقوام متحدہ دی سلامتی کونسل دیاں قرارداں دی خلاف ورزی ہے۔پاکستان بھارت نال کشمیر سمیت تمام تنازعات مذاکرات دے زریعے حل کرنڑ چاہندے کیونجو جنگ کہیں مسئلے دا حل نی۔کشمیر دامسئلہ اقوام متحدہ سمیت سارے عالمی فورمز تے موثر انداز وچ چاتا ہے،بھارت مقبوضہ کشمیر وچ انسانی حقوق دی سنگین خلاف ورزیاں وچ ملوث ہے، ایں خاطر اوہ سلامتی کونسل دی رکینیت دی اہلیت ای نی رکھیندا۔کشمیری اپنڑی آزادی سانگے جدوجہد کریندے پن ۔بھارتی فورسز مقبوضہ کشمیر وچ ریاستی دہشت گردی وچ ملوث ہن،ایندے اہلکارایمبولنسز اتے ہسپتالاں تے وی حملے کر یندے پن۔افغانستان وچ امن و استحکام پاکستان دے اپنڑے مفاد وچ ہے۔افغان صدر دے منفی بیانات نال انہاں لوکاں کوں فائدہ ہو سی جیرھے افغانستان وچ امن تے استحکام نی چاہندے ۔2013ءدے بعد پاکستان وچ ڈرون حملیاں وچ گھٹکی آئی ،پاکستان ہمیشہ ڈرون حملیاں دی مخالفت کیتی ہے۔دہشتگردی دے خلاف جنگ وچ پاکستان دیاں قربانیاں کوں دنیا تسلیم کیتا ہے۔۔مقبوضہ کشمیر وچ حالیہ بھارتی مظالم دے حوالے نال ہک سوال دا جواب ڈیندے ہوئیں ترجمان آکھیا جو کشمیر دا مسئلہ بین الاقوامی طور تے تسلیم شدہ تنازعہ ہے،مسئلہ کشمیر داحل اقوام متحدہ دی ذمے داری ہے جڈانجو پاکستان کشمیر دا مسئلہ اقوام متحدہ سمیت سارے عالمی فورمز تے موثر انداز وچ چاتا اہے۔ترجمان آکھیا جو کشمیر تے جنگاں وی لڑیاں جاچکیاں ہن پر اساں سمجھدوں جو جنگ ایں مسئلے دا حل نہیں ،پاکستان بھارت نال کشمیر سمیت سارے تصفیہ طلب مسائل مذاکرات دے ذریعے حل کرنڑ چاہنداہے۔ترجمان آکھیا اے جو عالمی برادری مذاکرات سانگے بھارت تے دباو پاوے۔ترجمان آکھیا جو طاقت دے بل بوتے تے کشمیری عوام کوں حق خود ارادیت توں انکار نی کیتا ونج جا سگدا ۔بھارت ولوںکشمیر کوں داخلی معاملہ آکھنڑاقوام متحدہ دیاں قرارداداں دی خلاف ورزی ہے کشمیر دا تنازعہ بین الاقوامی تسلیم شدہ مسئلہ ہے۔افغان صدر دے حالیہ بیانات دے حوالے نال ہک سوال دا جواب ڈیندے ہوئیں ترجمان آکھیا جو اساں ہر وار واضح کیتا ہے جو منفی بیانات افغانستان اتے خطے وچ امن و استحکام دی بحالی وچ مدد گار نی تھی سگدے ۔انسداد دہشت گردی تے شدت پسندی دے حوالے پاکستان دیاںکوششاں اتے قربانیاں کوں عالمی سطح تے سراہایا گیاہے۔پاکستان اتے افغانستان وچال ہم آہنگی کوں فروغ ڈیونڑ دی ضرورت ہے۔افغانستان وچ امن و استحکام پاکستان دے اپنڑے مفاد وچ ہے۔پاکستان خطے وچوں دہشت گردی تے شدت پسندی کوں مکاونڑ اتے افغانستان وچ امن سانگے پر عزم ہے۔ترجمان آکھیا جو ذلمے خلیل زاد دے بیانات کوں سنجیدگی نال نی گھدا ونج جاسگدا۔پاکستان اتے امریکا انسداد دہشت گردی دے خلاف کوششاں وچ اہم پارٹنرز ہن ۔پاکستان دہشت گردی توں جتنا متاثر تھئے کوئی ڈوجھا ملک اتنا متاثر نی تھیا۔انسداد دہشت گردی دے حوالے نال پاکستان دے عزم تے کوئی سوال نی چا تا ونج جا سگدا۔ہک سوال دا جواب ڈیندے ہوئیں ترجمان آکھیا جو بھارت مقبوضہ کشمیر وچ انسانی حقوق دیاں خلاف ورزیان وچ ملوث رہیا ہے ایندے کیتے اقوام متحدہ دے قنوناں دے مطابق سلامتی کونسل دی رکینیت دی اہلیت نی رکھیندا ۔ترجمان افغانستان وچ نیٹو ولوں سرگرمیاں جاری رکھنڑ دے حوالے نال ہک سوال دا جواب ڈیندے ہوئیں آکھیا جو پاکستان ہر ایںاقدام دا خیر مقدم کریندا ہے جیندے نال افغانستان وچ امن و استحکام قائم ہوے۔ترجمان آکھیا جو سارک سربراہ اجلاس شیڈول دے مطابق جاری سال اسلام آباد وچ منعقد ہو سی جیندے وچ رکن ملکاں دے سارے سربراہان شرکت دی یقین دہانی کرائی ہے۔پاکستان اتے بھارتی کوسٹ گارڈز دا دو ڈینھاں دا اجلاس بدھ کوں اسلام آباد وچ منعقد تھیا۔سمندری حدود دی سبھ توں ودھ خلاف ورزیاں بھارت کر یندا پئے۔
