ریو ڈی جنیرو ۔ 17 اگست (اے پی پی) ریو اولمپکس وچ امریکا 28 گولڈ، 28 سلور اتے 28 برانز میڈلز دے نال پہلے نمبر تے ہے۔ تفصیلات دے مطابق برازیل وچ سمر اولمپکس دے سنسنی خیز مقابلیاں دا سلسلہ جاری ہے، ہنڑ تئیں تھیونڑ آلے مقابلیاںوچ امریکا 28 سونے، 28 چاندی اتے 28 کانسی دے تمغے جیتے ہن اتے ایں طرح اوہ مجموعی طور تے 84 میڈلاں دے نال پہلے نمبر تے ہے۔ برطانیہ 19 گولڈ، 19 سلور اتے 12 برانز میڈلاں دے نال ڈوجھے اتے چین 17 گولڈ، 15 سلور اتے 19 برانز میڈلاں دے نال تریجھے نمبر تے ہے۔ روس12 سونے، 12 چاندی اتے 14 کانسی دے تمغیاں دے نال چوتھے، جرمنی 11 طلائی، 8 چاندی اتے 7 کانسی تمغیان دے نال پنجویں نمبر تے ہے، اٹلی 8 سونے، 9 چاندی اتے 6 کانسی دے تمغیاں دے نال چھیویں نمبر تے ہے، ہالینڈ 8 طلائی، 3 چاندی اتے 3 کانسی دے تمغیاں دے نال ستویں نمبر تے ہے، فرانس7 سونے، 11 چاندی اتے 11 کانسی دے تمغیان دے نال آٹھویں نمبر تے ہے، آسٹریلیا 7 سونے، 8 چاندی اتے 9 کانسی دے تمغیاں دے نال 09ویںنمبر تے ہے اتے جاپان 7 سونے، 4 چاندی اتے 18 کانسی دے تمغیاں دے نال 10ویں نمبر تے ہے۔
