اسلام آباد ۔ 18 ستمبر (اے پی پی) آپریشن ضرب عضب اچ متاثر تھیونڑآلے شمالی وزیرستان دے 51 ہزار بے گھرلوکیں اچ زونگ سم دے ذریعے ست کروڑ روپے ماہانہ نقد گرانٹ دی تقسیم دا عمل شروع کر ڈتاگئے ۔ فاٹا سیکریٹریٹ دے ڈائریکٹر فنانس سراج الحق ”اے پی پی” نال گالھ مہاڑ کریندے ہوئیں آکھے جو شمالی وزیرستان دے بے گھر لوکیں کیتے وزارت سیفران ماہانہ نقد گرانٹ ست کروڑ روپے عید توں پہلے فاٹا سیکریٹریٹ کو ں ڈتی ہئی ۔ عید دیاں چھٹیاں دے دوران بینک بند ہونڑپاروں شمالی وزیرستان دے بے گھر لوکیں کوں ماہانہ نقد گرانٹ کائنی مل سگی ، جیہڑی جو فاٹا سیکریٹریٹ ست کروڑ روپے بذریعہ زونگ موبائل سم بے گھر لوکیں دی سم اچ ٹرانسفر کریندا پئے ۔ انہاں آکھیا جو فاٹا سیکریٹریٹ’ وزارت سیفران شمالی وزیرستان دے بے گھر لوکیں دی مکمل واپسی تئیں ماہانہ بنیاداں تے نقد گرانٹ ڈیسی ۔
