اسلام آباد ۔ 19 ستمبر (اے پی پی) وزیراعظم محمد نواز شریف سلامتی کونسل دے پنج مستقل رکن ملکاں دے رہنمائواں کوں خط لکھین جئیں اچ انہاں تے زور ڈتا گئے جو او بھارتی حکومت تے مقبوضہ کشمیر اچ قتل و غارت بند کراونڑ اتے اقوام متحدہ دی متعلقہ قرارداداں دے نفاذ سانگے دبائو پاونڑ تے زور ڈتا گئے۔دفتر خارجہ ولوں سوموار کوں ہک بیان اچ آکھیا گئیا جو وزیر اعظم بھارتی مقبوضہ کشمیر اچ قابض افواج ولوں انسانی حقوق دی سنگین خلاف ورزیاں بارے سلامتی کونسل دے مستقل ارکان، چین فرانس روسی فیڈریشن برطانیہ اتے امریکہ دے سربراہان مملکت تے حکومت کوں خط لکھین۔انہاں خطوط اچ مقبوضہ کشمیر دی گھمبیر صورتحال دے علاقائی اتے بین الاقوامی امن تے سلامتی تے انتہائی منفی اثرات کوں اجاگر کیتا گئے ۔مقبوضہ کشمیر اچ بین الاقوامی انسانی حقوق اتے انسانی ہمدردی قوانین دی خلاف ورزیاں کوں نشابر کریندیں ہوئیں وزیر اعظم نوا ز شریف سلامتی کونسل دے مستقل ارکان تے زور ڈتے جو او تنازعہ جموں تے کشمیر بارے آپنڑی ذمہ واریاں پوری کرن۔
