پاکستان اپنڑی بقاء دی جنگ اچ بے مثال قربانیاں پیش کر تے دہشتگرداں دی چیل تروڑی
اسلام آباد ۔ 16 دسمبر (اے پی پی) وزیر اعظم محمد نوازشریف دہشتگردی دے خلاف جنگ کو ںمنطقی انجام تئیں پجاونڑ اتے آندیاں نسلاں سانگے پر امن تے مستحکم پاکستان کوں یقینی بنڑاونڑ دے عزم دا اظہار کیتا ہے ۔پشاور اچ آرمی پبلک سلول تے حملے دی ڈوجھی برسی دے موقع تے جمعے کوں قوم دے ناں سنھیے اچ وزیراعظم آکھیا جو آرمی پبلک سکول دے سانحے دے بعد پاکستانی قوم تے قیادت دہشت گرداں دے خلف بلا تفریق کاروائی داواضح اتے ڈو ٹوک فیصلہ کیتا۔وزیراعظم آکھیا جو اساں فیصلہ کیتا ہا جو معاشرے توں دہشت گردی تے انتہا پسندی دے خاتمے سانگے چنگی کاروائی کیتی ویسی اتے اساڈے معصوم فرشیں کوں شہید کرنڑ آلیں نال کوئی وی رعایت کائناں کیتی ویسی ۔وزیراعظم آکھیا جو دنیا ڈٹھا ہے جو پاکستان دہشت گرداں دے نیٹ ورک کوں مکایا ہے اتے اپنڑی بقا دی جنگ اچ بے مثال قربانیاں پیش کرتے دہشت گرداں دی چیل تروڑ ڈتی ہے وزیراعظم سانحہ آرمی پبلک سکول اچ شہیدتے متاثر تھیونڑ آلے طالب علماں دے خانداناں نال ہمدردی دا اظہار کیتا۔انہاں آکھیا جو اساں ڈکھی ٹبراں دے ڈکھ اچ برابر دے شریک ہوں
