اسلام آباد ۔ 17 دسمبر (اے پی پی) وزیر اعظم دے مشیر برائے خارجہ امور سرتاج عزیز چھنڑ چھنڑ کوں ترکی دے شہر قیصری اچ دہشت گرد حملے دی شدید مذمت کیتی ہے۔دفتر خارجہ دے ترجمان دے مطابق مشیر خارجہ وزیر اعظم نواز شریف،حکومت اتے پاکستانی عوام ولوں دہشت گرد حملے اچ جاں بحق افراد دے لواحقین،ترک حکومت اتے عوام نال دلی تعزیت اتے ہمدردی دا اظہار کیتے ۔ انہاں حملے اچ زخمیاں دی تکھے صحتیابی کیتے دعا وی کیتی ۔ مشیر خارجہ تر کی نال مکمل اظہار یکجہتی دا اعادہ کریندے ہوئیں آکھے جو اساکوں مکمل یقین ہے جو ترکی دے عوام دہشت گردی دے خلاف جنگ اچ کامیاب تھیسن۔
