فنڈز دے شفاف اتے موثر استعمال نال ویکسین بارے منفی رجحانات مکائے ونڄ سڳدن، وفاقی وزیر صحت

اسلام آباد۔14 اپریل(اے پی پی)وفاقی وزیر برائے قومی صحت سید مصطفیٰ کمال آکھیے جو فنڈز دے شفاف اتے موثر استعمال نال ویکسین بارے منفی رجحانات مکائے ونڄ سڳدن۔ انہاں اے ڳالھ اسلام آباد اچ تھیوݨ آلے اجلاس اچ آکھی۔ انہاں ویکسین بارے آگاہی مہم تے تھیوݨ والے اخراجات اتے ایندے حقیقی اثرات دا تفصیلی جائزہ ڳھدا۔ انہاں آکھیا جو آگاہی مہم دا بنیادی مقصد ویکسین توں انکار کرݨ والیاں دی شرح ڳھٹاوݨ اتے عوام دے ذہناں توں منفی پروپیگنڈے مکاوݨ اے ٻھل بھاری فنڈز دے استعمال دے باوجود مطلوبہ نتائج نئیں آندے پئے، فنڈز دا موثر اتے درست استعمال یقینی ٻݨایا ویسی، صحت دے شعبے دا اصل ہدف لوگاں کوں بیماریاں توں بچاوݨ اے جیندے کیتے وزارتِ صحت خصوصی توجہ ݙیندی پئی اے۔ اجلاس اچ زور ݙتا ڳیا جو ویکسین بارے عوامی اعتماد دی بحالی کیتے جامع حکمتِ عملی ٻݨائی ویسی، شفافیت، احتساب اتے نتائج تے مبنی اقدامات کیتے ونڄن۔ اجلاس وچ وفاقی سیکرٹری صحت، ڈی جی ہیلتھ اتے ڈی جی ایف ڈی آئی سودھا ٻئے متعلقہ حکام شرکت کیتی۔