اسلام آباد۔14 اپریل(اے پی پی)صدر مملکت آصف علی زرداری ایران امریکہ مذاکرات اچ پاکستان دے کردار تے کوششاں دی تعریف کریندے آکھیے جو پاکستان تاریخ ساز مذاکرات کیتے پلیٹ فارم مہیا کر تے عالمی برادری اچ ہک ذمہ دار اتے کلیدی ریاست دے طور تے اپݨی پوزیشن دی توثیق کیتی اے اتے ہک واری ول دنیا تے اپݨی امن پسند ساکھ ثابت کر ݙتی اے۔ ایوان صدر دے پریس ونگ …
صدر مملکت آصف علی زرداری نال وزیراعظم محمد شہباز شریف دی ملاقات
اسلام آباد۔14 اپریل(اے پی پی)صدر مملکت آصف علی زرداری ایران امریکہ مذاکرات اچ پاکستان دے کردار تے کوششاں دی تعریف کریندے آکھیے جو پاکستان تاریخ ساز مذاکرات کیتے پلیٹ فارم مہیا کر تے عالمی برادری اچ ہک ذمہ دار اتے کلیدی ریاست دے طور تے اپݨی پوزیشن دی توثیق کیتی اے اتے ہک واری ول دنیا تے اپݨی امن پسند ساکھ ثابت کر ݙتی اے۔ ایوان صدر دے پریس ونگ توں جاری بیان دے مطابق صدر مملکت ایوان صدر اچ وزیراعظم محمد شہباز شریف دے نال تھیوݨ والی ملاقات اچ امریکہ اتے ایران وچال مذاکرات دی میزبانی دے حوالے نال پاکستان دی انتھک کوششاں کوں سراہیا۔ صدر مملکت خطے دی موجودہ سکیورٹی اتے سفارتی صورتحال تے الیندے آکھیا جو ایں صورتحال دے اثرات نہ صرف خطے ٻھل مجموعی طور تے عالمی سکیورٹی، معیشت اتے سیاست تے پوسن۔ ملاقات اچ وزیراعظم ایران اتے امریکہ وچال تھیوݨ والے مذاکرات دے پہلوواں تے صدر مملکت کوں اعتماد اچ ڳھدے۔ وزیراعظم مذاکرات دے مختلف مراحل تے پاکستان دی ثالثی دے ذریعے تھیوݨ والی پیش رفت تے تفصیلی بریفنگ ݙتی۔ انہاں صدر مملکت کوں امن دی کوششاں اڳو تے ودھاوݨ کیتے اپݨے آئندہ دورہ سعودی عرب اتے ترکیہ بارے وی ݙسایا۔ صدر آصف علی زرداری ایں سفارتی اقدام کوں کامیاب ٻݨاوݨ کیتے وزیراعظم، نائب وزیراعظم و وزیر خارجہ، چیف آف ڈیفنس فورسز اتے سارے ریاستی اداریاں دی انتھک کوششاں دی تعریف کیتی۔ ملاقات اچ نائب وزیراعظم سینیٹر محمد اسحاق ڈار اتے وفاقی وزیر سینیٹر رانا ثناء اللہ شرکت کیتی ڄݙاں جو صدر مملکت دی معاونت سابق وزیراعظم راجہ پرویز اشرف، سینیٹ اچ پی پی پی دی پارلیمانی لیڈر سینیٹر شیری رحمان اتے سابق چیئرمین سینیٹ سید نیئر حسین بخاری کیتی۔
