مشرقِ وسطیٰ دی جنگ عالمی معیشت کیتے نواں خطرہ اے، آئی ایم ایف

اسلام آباد۔14 اپریل(اے پی پی)بین الاقوامی مالیاتی فنڈ (آئی ایم ایف)  خبردار کیتے جو مشرقِ وسطیٰ اچ شروع تھیوݨ والی جنگ پاروں عالمی معیشت ہک واری ول عدم استحکام دے خطرے وات تھی گئی اے جیندے نال ترقی دی رفتار گھٹ تے مہنگائی اچ اضافہ متوقع اے۔ آئی ایم ایف جاری سال کیتے نمو دی شرح 3.1 فیصد تے آئندہ سال 3.2 فیصد تائیں رہݨ دا امکان ظاہر کیتے۔ رپورٹ دے مطابق ڄیکر مشرقِ وسطیٰ دی جنگ نہ ہوندی تاں 2026 دی ترقی دی شرح تقریباً 3.4 فیصد تئیں ودھ سڳدی ہئی، نمو دی شرح اچ موجودہ کمی دا وݙا سبب ایہو تنازعہ اے۔ آئی ایم ایف خبردار کیتے ڄیکر جنگ طویل تھی گئی تاں عالمی ترقی 2.5 فیصد تئیں ڈھیر تلے ونڄ سڳدی اے ڄݙاں جو مہنگائی 5.4 فیصد تئیں پڄ سڳدی اے۔ رپورٹ اچ حکومتاں اتے مرکزی بینکاں کوں قیمتاں اتے مالیاتی استحکام برقرار رکھݨ کیتے اقدامات دی سفارش کیتی گئی اے۔