اسلام آباد: 15 اپریل(اے پی پی)وزیرِ اعظم محمد شہباز شریف سعودی عرب دے دورے تے روانہ تھی ڳئن۔ نائب وزیرِ اعظم اتے وزیرِ خارجہ سینیٹر محمد اسحاق ڈار، وفاقی وزیرِ اطلاعات اتے نشریات عطا اللہ تارڑ اتے معاونِ خصوصی سید طارق فاطمی وی انہاں دے نال ہن۔ پی ایم آفس دے میڈیا ونگ توں ٻدھ کوں جاری تھیوݨ والے بیان دے مطابق، وزیرِ اعظم محمد شہباز شریف 15 توں 18 …
وزیرِ اعظم محمد شہباز شریف سعودی عرب دے دورے تے ٹر ڳئن
اسلام آباد: 15 اپریل(اے پی پی)وزیرِ اعظم محمد شہباز شریف سعودی عرب دے دورے تے روانہ تھی ڳئن۔ نائب وزیرِ اعظم اتے وزیرِ خارجہ سینیٹر محمد اسحاق ڈار، وفاقی وزیرِ اطلاعات اتے نشریات عطا اللہ تارڑ اتے معاونِ خصوصی سید طارق فاطمی وی انہاں دے نال ہن۔ پی ایم آفس دے میڈیا ونگ توں ٻدھ کوں جاری تھیوݨ والے بیان دے مطابق، وزیرِ اعظم محمد شہباز شریف 15 توں 18 اپریل 2026ء تئیں سعودی عرب، قطر اتے ترکیہ دا سرکاری دورہ کریسن۔ سعودی عرب اتے قطر دے دورے اچ وزیرِ اعظم ݙوہیں ملکاں دی قیادت نال ملاقاتاں کریسن جیندے اچ جاری ݙو پاسہ تعاون دے نال نال علاقائی امن اتے سلامتی بارے ڳالھ مہاڑ کریسن۔ وزیرِ اعظم محمد شہباز شریف پنجویں انطالیہ ڈپلومیسی فورم اچ شرکت کیتے ترکیہ دا وی دورہ کریسن۔ فورم دے دوران وزیرِ اعظم ٻئے عالمی رہنماء دے کٹھے فورم اچ پاکستان دا نظریہ پیش کرݨ کیتے “لیڈرز پینل” اچ وی شرکت کریسن۔ ایں موقع تے وزیرِ اعظم محمد شہباز شریف دی صدر رجب طیب اردوان تے ٻئے اہم عالمی رہنماء نال ملاقاتاں وی تھیسن۔
