اسلام آباد توں پہلی حج پرواز 19 اپریل کوں روانہ تھیسی، ‘روٹ ٹو مکہ’ دے تحت عازمین ݙوڑی امیگریشن توں فائدہ چیسن

اسلام آباد: 15 اپریل(اے پی پی)وفاقی دارالحکومت توں حجازِ مقدس کیتے ‘مقدس سفر’ دی باقاعدہ شروعات 19 اپریل توں تھیندی پئی اے ڄݙاں اسلام آباد دے نیو انٹرنیشنل ایئرپورٹ توں پہلی حج پرواز عازمین کوں گھن تے روانہ تھیسی۔ اویں تاں ملک توں حج پروازاں دا پہلا مرحلہ 18 اپریل توں شروع تھیسی، ٻھل اسلام آباد توں آݙت 19 اپریل توں ہزاراں عازمین ہک نویں اتے ڈیجیٹل سفری تجربے نل اپݨے حڄ دا سفر شروع کریسن۔

وزارتِ مذہبی امور دے ترجمان دے مطابق اسلام آباد توں روانہ تھیوݨ والے پہلے قافلے کوں الوداع آکھݨ کیتے ایئرپورٹ تے ہک خصوصی تقریب رکھی ڳئی اے۔ ایں موقع تے وفاقی وزیرِ مذہبی امور سردار محمد یوسف، پاکستان اچ سعودی عرب دے سفیر نواف سعید المالکی اتے سیکرٹری وزارتِ مذہبی امور عازمین کوں رخصت کریسن۔ اے تقریب پاک سعودی ٻھرا ٻھرپی اتے عازمین کیتے  ݙتیاں ڳیاں عالمی معیار دیاں سہولتاں دی جھلک ݙیندی اے۔ ایں سال اسلام آباد توں 129 پروازاں تے 29 ہزار 900 عازمینِ حج ‘روٹ ٹو مکہ’ دے تحت “ڈبل امیگریشن” (پاکستانی اتے سعودی) دی سہولت توں فائدہ چیسن۔ عازمین دی امیگریشن اسلام آباد اچ مکمل تھیوݨ دے بعد جدہ یا مدینہ ایئرپورٹ تے انہاں دا گھنٹیاں دا انتظار ختم تھی ویسی۔ سعودی عرب پڄݨ تے عازمین کہیں وی لائن اچ لڳے بغیر سدھے بساں توں اپݨے ہوٹل ویسن،

جݙاں جو انہاں دا سامان ہک جدید لاجسٹک سسٹم دے تحت سدھا انہاں دے ہوٹل دے کمریاں تئیں پچایا ویسی۔ سرکاری سکیم دے تحت کُل ہک لکھ 19 ہزار عازمین اچوں اسلام آباد دا حصہ وݙا اے جیندے کیتے 129 خصوصی پروازاں چلائیاں ویسن۔ اے آپریشن مئی دے ادھ تئیں جاری رہسی جیندے اچ پی آئی اے، سعودی ایئر لائنز اتے ٻیاں نجی کمپنیاں حصہ ڳھندیاں پئن۔ وزارتِ مذہبی امور اسلام آباد توں ونڄݨ والے عازمین کوں آکھیے جو او اپݨی پرواز توں گھٹ توں گھٹ 4 گھنٹے پہلے ایئرپورٹ پڄن تاں جو ‘روٹ ٹو مکہ’ دے تحت بائیو میٹرک اتے امیگریشن دے مرحلے بغیر کہیں دیر دے مکمل تھی سڳن۔ عازمین دی رہنمائی کیتے ‘پاک حج’ موبائل ایپ کوں وی اپ ڈیٹ کر ݙتا ڳئے جیندے توں او اپݨی پرواز اتے رہائشی بلاک دی نویں معلومات حاصل کر سڳدن۔