وزیر اعظم شہباز شریف دا ترکیہ اچ سکول تے حملے، قیمتی جانی ضیان تے افسوس

جدہ۔ 16 اپریل(اے پی پی)وزیر اعظم محمد شہباز شریف ترکیہ اچ سکول تے حملے اچ قیمتی جانی ضیان تے افسوس کیتے۔ سماجی رابطے دی ویب سائٹ “ایکس” تے اپݨے سنیہے اچ وزیر اعظم آکھیے جو ترکیہ دے علاقے کہرامان ماراش اچ سکول تے تھیوݨ والے حملے تے افسوس اے۔ انہاں ایں ݙکھ اچ ترک صدر رجب طیب اردوان، برادر ترک عوام بالخصوص متاثرہ ٹٻراں اتے ٻالاں نال یکجہتی کریندے پرچاوݨی ݙتی اے۔ انہاں آکھیا جو اساں معصوم چھوٹے ٻالاں دی جاناں دے ضیان تے سوگوار ہیں اتے شہید تھیوݨ والیاں دی مغفرت دی دعا کریندے ہیں۔ وزیر اعظم زخمیاں دی تیکھے صحت یابی کیتے وی دعا کیتی۔