انطالیہ۔ 17 اپریل(اے پی پی)وزیر اعظم محمد شہباز شریف نال امریکی صدر دے سینئر مشیر برائے عرب تے افریقی امور مسعد بولوس ملاقات کیتی۔ وزیر اعظم آفس دے میڈیا ونگ ولوں جاری بیان دے مطابق اے ملاقات انطالیہ اچ تھیوݨ والے پنجویں انطالیہ ڈپلومیسی فورم دے موقع تے تھئی۔ ملاقات اچ وزیراعظم امریکی صدر ڈونلڈ ٹرمپ کیتے نیک تمناواں پچیندے انہاں نال اپݨی خوشگوار ملاقاتاں کوں یاد کیتا۔ انہاں صدر …
وزیر اعظم شہباز شریف نال امریکی صدر دے سینئر مشیر مسعد بولوس دی ملاقات
انطالیہ۔ 17 اپریل(اے پی پی)وزیر اعظم محمد شہباز شریف نال امریکی صدر دے سینئر مشیر برائے عرب تے افریقی امور مسعد بولوس ملاقات کیتی۔ وزیر اعظم آفس دے میڈیا ونگ ولوں جاری بیان دے مطابق اے ملاقات انطالیہ اچ تھیوݨ والے پنجویں انطالیہ ڈپلومیسی فورم دے موقع تے تھئی۔ ملاقات اچ وزیراعظم امریکی صدر ڈونلڈ ٹرمپ کیتے نیک تمناواں پچیندے انہاں نال اپݨی خوشگوار ملاقاتاں کوں یاد کیتا۔ انہاں صدر ٹرمپ دی جرات مندانہ قیادت کوں سراہیا، جیندے نتیجے اچ گزریل سال پاکستان اتے بھارت وچال جنگ دے خطرے دے ویلھے جنگ بندی ممکن تھئی۔ وزیراعظم لبنان اچ جنگ بندی کراوݨ اچ وی صدر ٹرمپ دے کردار دی تعریف کیتی۔ ݙوہیں رہنماواں خطے دی صورتحال، پاکستان دیاں امن کوششاں اتے تاریخی اسلام آباد مذاکرات تے ڳالھ مہاڑ کیتی۔ وزیراعظم خاص طور تے معاشی و تجارتی تعاون اچ پاکستان اتے امریکہ دے تعلقات کوں مزید مضبوط ٻݨآوݨ تے زور ݙتے۔ مسعد بولوس وزیراعظم کوں صدر ٹرمپ ولوں نیک خواہشات دا سنیہا پچایا اتے خطے اچ امن کیتے پاکستان دے مثبت کردار دی تعریف کیتی۔
