ملتان۔18 اپریل(اے پی پی)ملتان توں پہلی حج پرواز ایئر بلیو دے ذریعے 151 عازمین کوں ڳھن تے مدینہ منورہ روانہ تھئی اے۔ ایں سال جنوبی پنجاب توں تقریباً 13 ہزار عازمین حج دی سعادت حاصل کریسن۔ ایں موقع تے تقریب نال خطاب اچ چیئرمین سینیٹ سید یوسف رضا گیلانی آکھیا جو حج ہک عظیم عبادت اے جیڑھی انسان کوں صبر، برداشت اتے قربانی سکھیندی اے، حکومت ولوں عازمین کوں جدید …
ملتان توں پہلی حج پرواز روانہ، سید یوسف رضا گیلانی عازمین کوں رخصت کیتے
ملتان۔18 اپریل(اے پی پی)ملتان توں پہلی حج پرواز ایئر بلیو دے ذریعے 151 عازمین کوں ڳھن تے مدینہ منورہ روانہ تھئی اے۔ ایں سال جنوبی پنجاب توں تقریباً 13 ہزار عازمین حج دی سعادت حاصل کریسن۔
ایں موقع تے تقریب نال خطاب اچ چیئرمین سینیٹ سید یوسف رضا گیلانی آکھیا جو حج ہک عظیم عبادت اے جیڑھی انسان کوں صبر، برداشت اتے قربانی سکھیندی اے، حکومت ولوں عازمین کوں جدید سہولتاں ݙتیاں ویندیاں پئن، جیندے اچ میڈیکل اتے ڈیجیٹل سہولتاں شامل ہن اتے عالمی مہنگائی دے باوجود حج پیکج اچ اضافہ نہ کرݨ ہک وݙا ریلیف اے۔ چیئرمین سینیٹ آکھیا جو امریکہ اتے ایران وچال جنگ بندی اچ پاکستان بہترین کردار ادا کیتے۔ تقریب اچ عازمینِ حج کیتے اجتماعی دعا وی کروائی گئی۔ مدینہ منورہ روانگی ویلھے چیئرمین سینیٹ یوسف رضا گیلانی عازمینِ حج کوں پھلاں دے ہار پوائے اتے نیک تمناواں نال رخصت کیتا۔
