ملتان۔ 19 اپریل(اے پی پی)روانڈا دی ہائی کمشنر فاتحو ہریریمانا گیلانی ہاؤس ملتان پڄین جتھاں چیئرمین سینیٹ سید یوسف رضا گیلانی انہاں دا استقبال کیتے۔ بعد اچ چیئرمین سینیٹ اتے ہائی کمشنر ملاقات کیتی اتے ݙوطرفہ تعاون دے ودھارے اتے علاقائی صورتحال تے تفصیلی ڳالھ مہاڑ کیتی۔ چیئرمین سینیٹ آکھیا جو ملتان دی تاریخ پنج ہزار سال پراݨی اے اتے اے اولیاء دی دھرتی اے، ملتان دی ثقافت، صوفی روایات …
چیئرمین سینیٹ سید یوسف رضا گیلانی نال روانڈا دی ہائی کمشنر فاتحو ہریریمانا دی ملاقات
ملتان۔ 19 اپریل(اے پی پی)روانڈا دی ہائی کمشنر فاتحو ہریریمانا گیلانی ہاؤس ملتان پڄین جتھاں چیئرمین سینیٹ سید یوسف رضا گیلانی انہاں دا استقبال کیتے۔ بعد اچ چیئرمین سینیٹ اتے ہائی کمشنر ملاقات کیتی اتے ݙوطرفہ تعاون دے ودھارے اتے علاقائی صورتحال تے تفصیلی ڳالھ مہاڑ کیتی۔ چیئرمین سینیٹ آکھیا جو ملتان دی تاریخ پنج ہزار سال پراݨی اے اتے اے اولیاء دی دھرتی اے، ملتان دی ثقافت، صوفی روایات اتے نیلی کاشی کاری (بلو پوٹری) دنیا اچ مشہور اے۔ انہاں آکھیا جو پاکستان افریقہ دے ملکاں نال تعلقات کوں خاص اہمیت ݙیندے اتے تیکھے ہک پاکستانی وفد روانڈا دا دورہ کریسی۔ روانڈا دی ہائی کمشنر آکھیا جو میں ملتان آ تے ٻہوں خوش ہاں اتے اتھو دی مہمان نوازی توں ٻہوں متاثر تھئی آں۔ ایں موقع تے انہاں یادگاری ٻوٹا وی لایا اتے ملتان دے امباں اچ دلچسپی ݙکھائی۔
