پٹرولیم دے شعبے دی بہتری اتے قیمتاں مستحکم رکھݨ کیتے اقدامات کیتے ویندے پئن، علی پرویز ملک

اسلام آباد۔ 19 اپریل (اے پی پی)وفاقی وزیرِ پٹرولیم علی پرویز ملک وزیراعظم دا شکریہ ادا کریندے ہوئیں آکھیے جو پٹرولیم دے شعبے دی حمایت جاری اے اتے قیمتاں کوں مستحکم رکھݨ کیتے اقدامات کیتے ویندے پئن‏۔ انہاں آکھیا جو عالمی جنگی صورتحال دے باوجود پاکستان دی حالت کئی ملکاں دے مقابلے اچ بہتر اے‏۔ ہک مقامی ٹی وی چینل نال ڳالھ مہاڑ کریندے ہوئیں انہاں آکھیا جو حکومت عام آدمی کوں ترجیح ݙیندی پئی اے اتے ایندھن دی قیمتاں دا ٻوجھ گھٹ کرݨ دی کوشش کیتی ویندی پئی اے‏۔ انہاں آکھیا جو بھارت، بنگلہ دیش اتے سری لنکا ڄھئیں ملک عالمی دبائو پاروں سخت معاشی چیلنج ٻھوڳیندے پئن، ٻھل پاکستان ایں ویلے بہتر پوزیشن اچ اے‏۔ انہاں مشرقِ وسطیٰ دے بحران اچ پاکستان دے ثالثی کردار کوں وی سراہے‏۔