شہنشاہ جذبات اداکار محمد علی دی سالگرہ منائی گئی

اسلام آباد۔ 19 اپریل (اے پی پی)شہنشاہِ جذبات اداکار محمد علی دی سالگرہ آݙت 19 اپریل کوں منائی گئی اے‏۔ انہاں کوں شاندار کیریئر تے 10 نگار ایوارڈز ݙتے گئن‏۔ محمد علی 19 اپریل 1931 کوں بھارتی شہر رام پور اچ ڄمیئے ہن اتے ونݙ توں بعد پاکستان آ گئے ہن‏۔ انہاں 1956 اچ ریڈیو پاکستان حیدرآباد توں کم شروع کیتا ہئی‏۔ انہاں دی فلمی زندگی دا آغاز 1962 چ فلم “چراغ جلتا رہا” توں تھیا‏۔ انہاں “صاعقہ”، “آس”، “آئینہ اور صورت” اتے “انسان اور آدمی” ڄھیاں کئی مشہور فلماں اچ اداکاری دے گر ݙکھائن اتے شاندار اداکاری تے انہاں کوں ” شہنشاہ جذبات” آکھیا ویندے‏۔ محمد علی ایشیا دے 25 بہترین اداکاراں دی فہرست اچ وی شامل ہن‏۔ او 19 مارچ 2006 کوں ایں ڄڳ توں منہ موڑ گئے ہن‏۔