اسلام آباد مذاکرات دا ݙوجھا دور، وفاقی وزیرِ داخلہ محسن نقوی دی امریکی سفیر نال ملاقات، سکیورٹی انتظامات تے بریفنگ

اسلام آباد۔ 20 اپریل (اے پی پی) وفاقی وزیرِ داخلہ محسن نقوی ‘اسلام آباد مذاکرات’ دے ݙوجھے راؤنڈ سانڳے کیتے ڳئے سکیورٹی انتظامات دے حوالے نال امریکی سفیر نیٹلی بیکر کوں اعتماد اچ ڳھدے ۔ ترجمان وزارتِ داخلہ موجب وفاقی وزیر ڈپلومیٹک انکلیو اچ امریکی سفارتخانے دا دورہ کیتا، جتھاں انھاں واضح کیتا جو مذاکرات دی کامیابی تے غیر ملکی مہماناں دی حفاظت کیتے غیر معمولی سکیورٹی پلان تشکیل ݙتا ڳئے۔ملاقات دے دوران ڳالھ کریندے محسن نقوی آکھیا جو اساں اپݨے سارے خاص مہماناں کیتے سکیورٹی دے خصوصی انتظامات کیتن تے اساں اسلام آباد مذاکرات دے ݙوجھے راؤنڈ دی کامیابی کیتے دعا گو ہیسے۔ امریکی سفیر ایں موقع تے خطے اچ کشیدگی گھٹ کرݨ کیتے پاکستان دے مخلصانہ کردار دی تعریف کیتی اے ۔ ملاقات اچ پاک امریکہ ݙو طرفہ تعلقات دے ودھارے تے خطے دی مجموعی صورتحال تے وی تفصیلی ڳالھ مہاڑ کیتی وزیرِ داخلہ دے رلے ایں اہم دورے تے ڈی جی ایف آئی اے ڈاکٹر عثمان انور، چیف کمشنر اسلام آباد سہیل اشرف، آئی جی اسلام آباد پولیس علی ناصر رضوی تے ڈپٹی کمشنر اسلام آباد عرفان میمن وی موجود ہن