سکیورٹی فورسز دا بنوں اچ آپریشن، بھارتی حمایت یافتہ فتنہ الخوارج دے ݙو خوارج ہلاک

راولپنڈی۔ 20 اپریل (اے پی پی) سکیورٹی فورسز بنوں اچ انٹیلیجنس بیسڈ آپریشن دے دوران بھارتی حمایت یافتہ فتنہ الخوارج نال تعلق رکھݨ آلے ݙو خوارج سرغنہ وحید اللہ عرف مختیار تے ہک خودکش بمبار کوں ہلاک کر ݙتے۔ سنوار کوں آئی ایس پی آر توں جاری بیان موجب سکیورٹی فورسز بنوں ضلع اچ خوارج دی موجودگی دی اطلاع تے ہک انٹیلیجنس بیسڈ آپریشن کیتا۔ آپریشن دے دوران شدید فائرنگ دے تبادلے دے بعد بھارتی حمایت یافتہ فتنہ الخوارج نال تعلق رکھݨ آلے ݙو خوارج جنھاں اچ خارجی سرغنہ وحید اللہ عرف مختیار تے ہک خودکش بمبار کوں ہلاک کر ݙتا ڳئے۔ ہلاک تھیوݨ آلے خوارج توں ہک خودکش جیکٹ، اسلحہ تے گولہ بارود وی برآمد تھئے۔خارجی سرغنہ وحید اللہ انتہائی مطلوب دہشت گرداں دی فہرست اچ شامل ہئی تے سکیورٹی فورسز دے اہلکاراں تے نشوم شہریاں کوں شہید کرݨ سودھے کئی دہشت گردانہ کارروائیاں اچ ملوث ہئی ۔ او 21 فروری 2026 کوں بنوں ضلع اچ تھیوݨ آلے ہک خودکش حملے دا مرکزی ہینڈلر وی ہئی جیندے نتیجے اچ لیفٹیننٹ کرنل گل فراز شہید تھئے ہن۔ آئی ایس پی آر آکھیا جو اے آپریشن نہ صرف ایں گھناؤنے عمل دا بدلہ اے بلکہ مرکزی مجرم کوں انجام تائیں پڄایا ڳئے۔ سکیورٹی فورسز دی وقتی کارروائی ہک وݙے سانحے کوں وی ناکام بݨائے۔ علاقے اچ موجود ٻئے بھارتی حمایت یافتہ خوارج دے خاتمے کیتے کلیئرنس آپریشن جاری اے جݙاں جو سکیورٹی فورسز تے قانون نافذ کرݨ آلے ادارے نیشنل ایکشن پلان دے تحت فیڈرل ایپکس کمیٹی توں منظور شدہ وژن “عزمِ استحکام” دے تحت ملک توں ٻاہرلی سرپرستی اچ تھیوݨ آلی دہشت گردی دے مکمل خاتمے کیتے اپݨی بھرپور کارروائیاں جاری رکھسن۔