پاکستان-مصر مشترکہ مشق تھنڈر-II اختتام پذیر، انسدادِ دہشت گردی دی کارروائیاں تے توجہ مرکوز کیتی ڳئی

راولپنڈی۔ 20 اپریل (اے پی پی) ݙو ہفتے تے مشتمل پاکستان-مصر مشترکہ مشق تھنڈر-II اختتام پذیر تھی ڳئی اے جیندے اچ انسدادِ دہشت گردی دی کارروائیاں تے توجہ مرکوز کیتی ڳئی اے۔ پاک فوج دے شعبہٴ تعلقاتِ عامہ (آئی ایس پی آر) توں جاری بیان موجب پاکستان-مصر مشترکہ مشق تھنڈر-II پاکستان تے مصر دی افواج وچال چراٹ، پاکستان اچ کامیابی دے نال منعقد تھئی اے۔ ݙو ہفتے لمبی مشق کوں مشترکہ تربیت دے ذریعے انسدادِ دہشت گردی دی کارروائیاں متعلق مشقاں، طریقہٴ کارتے تکنیکاں کوں بہتر بݨا تے سانجھے تعاون کوں ودھاوݨ کیتے ڈیزائن کیتا ڳیا ہئی ۔ پاک فوج دے سپیشل سروسز گروپ تے مصری سپیشل فورسز دی جنگی ٹیماں پوری مشق اچ غیر معمولی پیشہ ورانہ مہارت تے آپریشنل مہارت دا مظاہرہ کریندے سرگرمی نال حصہ ڳھدے۔ ایں مشق نال ݙوہیں دوست ملکاں وچال پراݨے تے تاریخی عسکری تعلقات کوں مزید مضبوط بݨاوݨ اچ مدد ملی اے۔