اسلام آباد۔ 20 اپریل (اے پی پی) وفاقی وزیرِ داخلہ محسن نقوی نال ایران دے سفیر ڈاکٹر رضا امیری مقدم ملاقات کیتی اے جیندے اچ پاک-ایران تعلقات، خطے دی سکیورٹی صورتحال تے اسلام آباد مذاکرات دے ݙوجھے مرحلے دے انتظامات تے تفصیلی ڳالھ کیتی ڳئی اے۔ ملاقات اچ چیف کمشنر اسلام آباد، آئی جی اسلام آباد پولیس تے ڈپٹی کمشنر اسلام آباد وی موجود ہن۔ وزیرِ داخلہ محسن نقوی ایرانی …
وفاقی وزیرِ داخلہ محسن نقوی نال ایرانی سفیر دی ملاقات، اسلام آباد مذاکرات تے علاقائی صورتحال تے ڳالھ مہاڑ
اسلام آباد۔ 20 اپریل (اے پی پی) وفاقی وزیرِ داخلہ محسن نقوی نال ایران دے سفیر ڈاکٹر رضا امیری مقدم ملاقات کیتی اے جیندے اچ پاک-ایران تعلقات، خطے دی سکیورٹی صورتحال تے اسلام آباد مذاکرات دے ݙوجھے مرحلے دے انتظامات تے تفصیلی ڳالھ کیتی ڳئی اے۔ ملاقات اچ چیف کمشنر اسلام آباد، آئی جی اسلام آباد پولیس تے ڈپٹی کمشنر اسلام آباد وی موجود ہن۔ وزیرِ داخلہ محسن نقوی ایرانی سفیر کوں ݙسایا جو اسلام آباد مذاکرات دے ݙوجھے مرحلے کیتے تیاریاں مکمل کر ڳھدیاں ڳئن۔ انھاں وفد کوں یقین ݙوایا جو مذاکرات اچ شرکت کرݨ آلے غیر ملکی وفد کیتے سکیورٹی دے فول پروف انتظامات یقینی بݨائے ڳئن۔ محسن نقوی ایرانی سفیر کوں اپݨے اڄوکے دورہٴ ایران دے حوالے نال ݙسایا تے آکھیا جو پاک-ایران تعلقات ݙہاکیں تے محیط ہن تے پاکستان انھاں برادرانہ تعلقات کوں ٻہوں قدر دی نگاہ نال ݙیکھدے۔ ایرانی سفیر ڈاکٹر رضا امیری مقدم خطے اچ کشیدگی گھٹ کرݨ کیتے پاکستان دے مثبت تے تعمیری کردار دی تعریف کیتی۔
