وفاقی وزیر قیصراحمد شیخ دی دولتِ مشترکہ تجارت و سرمایہ کاری سمٹ دے موقع تےعالمی کاروباری رہنماواں نال اعلیٰ سطحی ݙو طرفہ ملاقاتاں

لندن۔ 20 اپریل (اے پی پی) وفاقی وزیر بورڈ آف انویسٹمنٹ قیصر احمد شیخ لندن اچ منعقدہ دولتِ مشترکہ تجارت و سرمایہ کاری سمٹ 2026 (CTIS 2026) دے موقع تے عالمی کاروباری رہنماواں تے ادارہ جاتی نمائندگان دے نال اعلیٰ سطحی ݙو طرفہ ملاقاتاں دا سلسلہ جاری رکھیے جیندا مقصد پاکستان دی سرمایہ کاری شراکت داریاں کوں ودھارا ݙیوݨ تے اقتصادی تعاون کوں مستحکم کرݨ ہئی ۔ انھاں ملاقاتاں دے دوران وفاقی وزیر ڈی لا رو دے چیف ایگزیکٹو افسر کلائیو ویچر، ٹی پی پی دے ڈائریکٹرایش بروک، جبرالٹر دے رکنِ پارلیمنٹ کرسچن سانتوس، کیمرون دے وزیرِ تجارت، رائٹ آنریبل لارڈ مارلینڈ (چیئرمین کامن ویلتھ انٹرپرائز اینڈ انویسٹمنٹ کونسل)، لارڈ سوائر، پروفیسر آصف چوہدری (بورڈ ممبر سی ڈبلیو ای آئی سی)، سعودی ایکساب دے چیف ایگزیکٹو افسر یزید صالح، مالٹا دے نائب وزیراعظم سودھےٻئی اہم شخصیات نال ملاقاتاں کیتیاں۔ انھاں ملاقاتاں اچ وفاقی وزیر وزیراعظم شہباز شریف تے فیلڈ مارشل عاصم منیر دی متحرک قیادت اچ پاکستان دی بہتر تھیندی معاشی صورتحال کوں اجاگر کیتا۔ انھاں آکھیا جو پاکستان ہک مستحکم، محفوظ تے سرمایہ کاری کیتے سازگار ملک دے طور تے تکھے ابھردا پئے۔ وفاقی وزیر پاکستان اچ ترجیحی شعبیں بشمول انفارمیشن ٹیکنالوجی، توانائی، انفراسٹرکچر، زراعت تے مینوفیکچرنگ اچ موجود متنوع سرمایہ کاری موقع پیش کیتن۔