اسلام آباد۔ 21 اپریل (اے پی پی) وفاقی وزیرثقافت و قومی ورثہ اورنگزیب خان کھچی علامہ محمد اقبال دی 88 ویں برسی دے موقع تے اپݨے پیغام اچ ملتِ اسلامیہ کیتے انھاں دے عظیم کردار کوں خراجِ عقیدت پیش کیتے۔ انھاں آکھیا جو علامہ اقبال دی فکر پاکستان دے مستقبل کیتے اڄ وی رہنمائی دا ہک مؤثر تے زندہ سرچشمہ اے۔انھاں آکھیا جو خودی، اخلاقی قوت، فکری آزادی تے مسلسل …
علامہ اقبال دی فکر ساݙے کیتے اڄ وی رہنمائی دا سرچشمہ اے، وفاقی وزیراورنگزیب کھچی
اسلام آباد۔ 21 اپریل (اے پی پی) وفاقی وزیرثقافت و قومی ورثہ اورنگزیب خان کھچی علامہ محمد اقبال دی 88 ویں برسی دے موقع تے اپݨے پیغام اچ ملتِ اسلامیہ کیتے انھاں دے عظیم کردار کوں خراجِ عقیدت پیش کیتے۔ انھاں آکھیا جو علامہ اقبال دی فکر پاکستان دے مستقبل کیتے اڄ وی رہنمائی دا ہک مؤثر تے زندہ سرچشمہ اے۔انھاں آکھیا جو خودی، اخلاقی قوت، فکری آزادی تے مسلسل جدوجہد تے مبنی انھاں دا فلسفہ ساݙے نظامِ تعلیم دی اصلاح، نینگراں کوں بااختیار بݨاوݨ، تے اپݨے قومی ثقافتی ورثے دے ودھارےکیتے ہک تکڑی بنیاد ݙیندے۔ علامہ محمد اقبال دے نزدیک تعلیم محض روزگار حاصل کرݨ دا ذریعہ کائنی، بلکہ ذہنی، اخلاقی تے روحانی تربیت دا ہک ہمہ گیر عمل اے۔ اساں ایں فکر دی روشنی اچ پاکستان اچ ایجھا نظامِ تعلیم تشکیل ݙیوݨے جیندے اچ کردار، ذمہ داری تے قومی مقصد دے شعور کوں ودھارا ملے۔
