علامہ اقبال امتِ مسلمہ کوں خودی، بیداری تے عمل دا پیغام ݙتا، وفاقی وزیرِ داخلہ محسن نقوی

اسلام آباد۔ 21 اپریل (اے پی پی): وفاقی وزیرِ داخلہ محسن نقوی شاعرِ مشرق علامہ محمد اقبال کوں شاندار لفظاں اچ خراجِ عقیدت پیش کریندے ہوئیں آکھیے جو علامہ اقبال امتِ مسلمہ کوں خودی، بیداری تے عمل دا پیغام ݙتا تے اڄ وی ایں پیغام کوں اپݨاوݨ دی ٻہوں لوڑھ اے۔ اپݨے پیغام اچ وزیرِ داخلہ محسن نقوی آکھیا جو اقبال دی فکر دا بنیادی نکتہ امتِ مسلمہ دا اتحاد ہئی، او مسلماناں کوں رنگ، نسل تے زبان توں اڳوں ݙیکھݨ چاہندے ہن۔محسن نقوی آکھیا جو خطبہٴ الہٰ آباد اچ اقبال برصغیر دے مسلماناں کیتے ہک انڄ ریاست دا تصور پیش کیتا جیڑھا بعد اچ حقیقت بݨئے۔ اقبال نینگراں کوں شاہین قرار ݙے تے انھاں کوں بلند پرواز، خودی تے مسلسل جدوجہد دا درس ݙتا ۔ علامہ اقبال دے نیڑے نینگر ہی قوم دا اصل سرمایہ ہن، جیڑھے اپݨی صلاحیتاں نال تاریخ دا رُخ بدلݨ دی طاقت رکھیندن۔