سکھر۔ 21 اپریل (اے پی پی) وفاقی وزیر ریلوے حنیف عباسی سکھر دے دورے تے پڄ ڳئن۔ وفاقی وزیر ریلوے محمد حنیف عباسی صوبائی وزیر سید ناصر حسین شاہ دے رلے سندھ دے تاریخی ریلوے اسٹیشن روہڑی ریلوے اسٹیشن دی اپ گریڈیشن دا افتتاح کیتے۔ ایں سلسلے اچ ہک تقریب منعقد تھئی ۔ چیئرمین ریلوے سید مظہر علی، ڈی ایس ریلوے سکھر فرمان غنی تے ٻئے افسران وی تقریب اچ …
وفاقی وزیرریلوے حنیف عباسی دا سکھر دا دورہ، روہڑی ریلوے اسٹیشن دی اپ گریڈیشن دا سنگِ بنیاد رکھ ݙتا
سکھر۔ 21 اپریل (اے پی پی) وفاقی وزیر ریلوے حنیف عباسی سکھر دے دورے تے پڄ ڳئن۔ وفاقی وزیر ریلوے محمد حنیف عباسی صوبائی وزیر سید ناصر حسین شاہ دے رلے سندھ دے تاریخی ریلوے اسٹیشن روہڑی ریلوے اسٹیشن دی اپ گریڈیشن دا افتتاح کیتے۔ ایں سلسلے اچ ہک تقریب منعقد تھئی ۔ چیئرمین ریلوے سید مظہر علی، ڈی ایس ریلوے سکھر فرمان غنی تے ٻئے افسران وی تقریب اچ شریک ہن۔ڈی ایس ریلوے سکھر فرمان غنی تقریب توں خطاب کریندے ݙسایا جو روہڑی اسٹیشن 1878 اچ بݨیا تے 1890 اچ اینکوں فنکشنل کیتا ڳیا ہئی ۔ بدقسمتی نال اتھاں شروع توں ہی سہولتاں دی تھوڑ رہی اے۔ ہݨ روہڑی ریلوے اسٹیشن دی اپ گریڈیشن دا منصوبہ شروع کیتا ڳئے ۔ اے منصوبہ 1300 ملین روپے توں ودھ اے، منصوبے اچ چالیھ فیصد شیئر سندھ حکومت تے سٹھ فیصد وفاقی حکومت ݙیسی ۔ وفاقی وزیر ریلوے محمد حنیف عباسی وی روہڑی ریلوے اسٹیشن دی اپ گریڈیشن دا سنگِ بنیاد رکھݨ دی تقریب توں خطاب کیتا۔
